கதிர்வீச்சு: April 2010

Tuesday 27 April 2010

ப்ருஸ் லீ : ஒரு போராளியின் பயணம்

[இதற்கு முந்தையப் பதிவான ' ப்ருஸ் லீ மாற்றிய உலகம் ' என்ற பதிவைக் காண இங்கே செல்லவும்]

என்னதான் ஜாக்கி சானும், ஜெட் லீயும் இந்தக்காலத்து, 'மார்ஷியல் ஆர்ட்' எனப்படும் தற்காப்புக் கலை ஹீரோக்களாக வலம் வந்தாலும், நான்கே படங்களில் நடித்து, ப்ருஸ் லீயைப்போல இறவாப் புகழை யாரும் அடைய முடியாது. ஒரு முறை மார்லன் பிராண்டோ கூறியதுப்போல, ஜேம்ஸ் டீன் , மர்லின் மன்றோ போல ப்ருஸ் லீ இளமையிலே இறந்தாலும், அவரின் புகழ் இந்த சினிமா உள்ளவரை நிலைக்கும். அவர் ஒரு மாஸ்டர் !

1972 ஆம் ஆண்டு, கோல்டன் ஹார்வஸ்ட் ஃ பிலிம், சார்பாக தனுடைய நான்காவது படமான 'Game of Death' ஐ படமாக்க துவங்கிவிட்டார். சில சண்டைக்காட்சிகள், அவரின் மாணவரான, கூடைப்பந்துப்புகழ், கரீம் அப்துல் ஜபாரை (உயரம் 7'2") வைத்தும் படமாக்கப்பட்டுக் கொண்டிருக்கையில், வார்னர் பிரதர்ஸ் அவரை 'எண்டர் தி டிராகன்' படத்தில் நடிக்க அழைத்தனர். சீன சினிமாவில் சிக்கிக்கிடந்த, அவரை உலக அளவில் பிரபலப்படுத்தும் என்பதை கணித்த ப்ருஸ் லீ, கேம் ஆப் டெத் ஐ கிடப்பில் போட்டுவிட்டு, சாகாவரம் பெற்ற, சரித்திரமாகப்போகும் அந்தப் படத்தை நடித்து முடித்தார். உலக சினிமா வரலாற்றில், இந்தப்படமும் வசூலில் ஒரு மைல் கல்லாக கருதப்படுகிறது. ஆனால் அதன் ரிலீஸ் தேதி 26 ஜூலை 1973 ஆம் வருடத்தில், ஆறு நாட்களுக்கு முன்பாக, திடீரென மர்மமான முறையில் மரணமடைந்தார் அந்த சாதனைப் படத்தின் ஹீரோ! (ஏனோ மைகேல் ஜாக்சன் நினைவுக்கு வருகிறார் !)

'என்டர் தி டிராகன் ' படத்தின் இயக்குனர், ராபர்ட் க்லோசும், கோல்டன் ஹார்வஸ்ட் - ரேமன்ட் சோவும் சேர்ந்து ப்ருஸ் லீயின் நிறைவேறாத ஆசையை நிறைவேற்ற முன்வந்தார்கள். உண்மையிலே ப்ருஸ் லீ சுமார் 100 நிமிடங்கள் வரை படமாக்கியிருந்தார். ஆனால் இயக்குனருக்கு கிடைத்ததோ வெறும் 15 நிமிட ஒரிஜினல் காட்சிகள் மட்டும்தான். ப்ருஸ் லீ போன்ற சுமாரான முக அமைப்பு கொண்ட ஒரு நடிகரை வைத்து, ஒரிஜினல் கதையையும் மாற்றி ஒப்பெற்றிப் பார்த்தார். ஆனால் பருப்பு வேகவில்லை. சரியான வரவேற்பைப் பெறவில்லை. ரிலீஸ் வருடம் 1979.

இவை இப்படி இருக்க, 1999 இல், பே லோகன் என்ற கிழக்கு ஆசிய (ஹாங்காங் ) சினிமா ஆராய்ச்சியாளரும், திரைக்கதை கர்த்தா, மட்டும் தற்காப்புக்கலை நிபுணர், மிடியா ஏசியா நிறுவனத்தில், கொல்லைப்[புறத்தில் உள்ள வேண்டாத சாமான்களை கிளறிக்கொண்டு இருக்கும்போது, கோழி எச்சங்களுக்கு நடுவே ப்ருஸ் லீ படமாக்கிய ஒரிஜினல் Game of Death படத்தின் படச்சுருள் கிடைத்தது! அதைக்கொண்டு வார்னர் பிரதர்ஸ், ஜான் லிட்டில் என்ற ப்ருஸ் லீயின் முக்கிய நண்பரும், எழுத்தாளரும், பத்திரிக்கையாளருமானவரை வைத்து இந்த விவரணப் படமான Bruce Lee: A Warrior's Journey யை தயாரித்தது. இதில் Game of Death திரைப்படத்தில் காணப்படாத ஒரிஜினல் ப்ருஸ் லீயின் சண்டைக் காட்சிகளையும் சேர்த்து, அவர் வாழ்கையில் பங்குபெற்ற முக்கிய நபர்களின் பேட்டியோடு மிகச் சிறப்பாக பதிவு செய்துள்ளனர். அதைத்தான் நாம் இப்போது காணப்போகிறோம் நண்பர்களே.
Bruce Lee: A Warrior's Journey

ஒரு களேபரமான பாடலுடன் கூடிய ப்ருஸ் லீ கிளிப்பிங்க்ஸ் .....

ப்ருஸ் லீயின் இருத் ஊர்வலத்தில் ஹாலிவூட் சூப்பர் ஸ்டார்களான ஸ்டீவ் மேக்வீனும், ஜேம்ஸ் கோபர்னும்.

இந்த புகழ்ப்பெற்ற Kung Fu பாடலை கேட்டிருக்கிறீர்களா ? நம்ம 'குர்பானி - ஆப் ஜெசா கோயிமே' - Made in India புகழ் பிட்டு அப்பையா (Biddu Appaiyaa) இசை அமைத்து கார்ல் டக்லாஸ் பாடியது....

வருகைக்கு நன்றி , ஏதாவது எழுதிவிட்டுப் போங்க...

ஹாங்காங்கில் ப்ரூஸ்லீயின் சிலை...

Saturday 24 April 2010

ப்ராத்தலில் பிறந்தவர்கள் ! (வீடியோ)

<div class="separator" style="clear: both; text-align: center;">

பிராத்தல்: ஆண்கள் தம் செக்ஸ் தேவைகளை,(மனைவியல்லாத) பெண்களிடம், பணம் கொடுத்து பூர்த்தி செய்துக்கொள்ளும் கட்டிடம் அல்லது இடம்!
சோனாகாச்சி! கொல்கொத்தா நகரின் மிகப்பெரிய சிவப்புவிளக்கு பகுதி. மகா நதி திரைப்படத்தில், கமலின் மகள் விபசாரத்தில் இருந்து மீட்கப்படும் காட்சி நினைவுக்கு வருகிறதா? அதே இடம் தான்!

இப்போது நாம் காணப்போகும் காணொளி 'Born into Brothels' என்ற பெயருடையது. நம்மில் நிறையப்பேர் ஏற்கனவே பார்த்திருக்கக் கூடும். 2005 வருடத்தின் சிறந்த ஆவணப் படத்திற்கான ஆஸ்கார் விருதை தட்டிச்சென்றப் படம். அது மட்டுமல்லாது பல சர்வதேச விருதுகளை குவித்துள்ளது. இதன் இயக்குனர்கள் சானா பிரிஸ்கி & ராஸ் கவுஃப்மேன். சோனாகாச்சி பகுதியில், பாலியல் தொழிலில் ஈடுப்படும் பெண்களுக்கு பிறந்த பிள்ளைகளைச் சுற்றி வரும் கேமராக் கவிதை! ஆனால் இந்தக் கவிதை நம்மை கண்கலங்கவைக்கும்... தடுமாறவைக்கும்.... நேழ்ச்சியுறவைக்கும் அதுமட்டுமல்லாது, புன்னகைக்கவும் வைக்கும்! என்னதான் நம்ம நாடு வளரும் நாடுகளிலேயே முன்னணி நாடு என்று சொன்னாலும், இதுப்போன்ற சமுதாயத்தின் கரும்பக்கங்கள் இருக்கத்தான் செய்கிறது. காணும்போது நம் மனது கஷ்டப்படுகிறது.

பிரிட்டனில் பிறந்து, நியூ யார்க் நகரில் வாழும் புகைப்படக் கலைஞரான சானா பிரிஸ்கி (Zana Briski) 1997 ஆம் வருடம், கொல்கத்தாவின் பாலியல் தொழிலாளிகளை புகைப்படமெடுக்க வந்தார். வந்தவர் அந்தப் பகுதியிலேயே தங்கி வாழ்ந்து வரும்போது, அங்கு அவரை 'சானா ஆண்ட்டி' என்று அன்போடு அழைத்து, அவரை சுற்றி வந்த சிறுவர், சிறுமிகளிடம் அவருக்கு மிகுந்த ஈடுபாடு ஏற்பட்டது. அதோடு நில்லாமல், அவர்களில் எட்டு பிள்ளைகளை தேர்ந்தெடுத்து அவர்களுக்கு 'Point & shoot - 35 mm' கேமராக்களை வாங்கிக்கொடுத்து, அவர்களுக்கு அடிப்படை புகைப்பட தொழில் நுட்பத்தை கற்றுக் கொடுக்கவும் ஆரம்பித்தார். இதற்காக Kids with Cameras என்ற இயக்கத்தை ஆரம்பித்து, அவர்களின் படிப்பு மற்றும் பயிற்சி போன்றவற்றை கவனித்துக்கொண்டார். அந்த பிள்ளைகளை வைத்து, கொல்கத்தா நகரின் தினசரி வாழ்கையை, மனிதர்களை புகைப்படங்களாக மாற்றினார். ஆஹா! அந்த சொப்புப்பெட்டிக் கேமராக்களில், அந்தக் குழந்தைகள் வடித்துள்ள வண்ணக் கலவைகளை , இன்றுள்ள லேட்டஸ்ட் டிஜிட்டல் கேமராக்கள் கொடுக்கமுடியுமா என்பது சந்தேகம்தான்! இப்படி ,அதன் பின்னணியை, அந்த பிள்ளைகளின் அன்றாட வாழ்கையை , தன் சக இயக்குனரான ராஸ் கவுஃப்மேனோடு (Ross Kouffman) சேர்ந்து ஒரு சக்திவாய்ந்த காணொளியை காவியமாகியுள்ளார்,
இந்த காணொளியை பார்த்தபிறகு, எவ்வளவு கோபம் வந்தாலும், துரோகிகளையும், வேண்டாத யாரையும் 'தே... பயல் ' என்று தீந்தமிழிலோ, அல்லது போம்ப டீசண்டாக ஆங்கிலத்திலேயோ, மறந்தும் திட்டக்கூடாது என்று முடிவெடுத்திருக்கிறேன். அப்படி திட்டுவது அந்த பாவமறியா, அற்புத குழந்தைகளுக்கு இழைக்கப்படும் அவமானமாக, அநீதியாக கருதுகிறேன்.

அந்த படைப்பைத்தான் இப்போது நாம் காணப்போகிறோம். ரெடியா நண்பர்களே. உங்களின் எல்லா வேலைகளையும் முடித்துவிட்டு நிதானமாக வந்தால் நல்லது.

சானா பிரிஸ்கியின் சோனாகாச்சி புகைப்படங்கள்.
சிறுவன் அவ்ஜீத் ஹல்தர் இன்று (2008)..... [ காணொளியை பார்த்த பிறகு வந்தால்தான் புரியும்]

DivX Player இருந்தால் இன்னும் சிறந்த குவாலிட்டியில் காணலாம். முயன்றுப் பாருங்களேன்.
DivX Player டவுன்லோட் செய்ய இங்கே. for Windows , for Mac

Install This Version & DO NOT UPDATE